"Fransa Avropanın və dünyanın ən millətçi ölkəsidir. Müstəmləkəçiliyin ən qəddar, acımasız, insanlara qarşı terror və qırğınlarla müşayət olunan hadisələrini bu ölkə həyata keçirdib”.
Bunu hafta.az-a politoloq Qabil Hüseynli Azərbaycana qarşı Qarabağdan erməni əli ilə zərbə vurmağa çalışan Fransanın regionda həyata keçirməyə çalışdığı planları barədə bildirib.
Politoloq hesab edir ki, bu gün Fransanın Afrikada və digər yerlərdə köhnə müstəmləkə sistemindən qalmış ölkələrdəki mövqeyi tamamilə zəifləyib. Bu boşluğun yerini doldurmaq üçün Cənubi Qafqaza üz tutub və burada da ermənilərlə olan daimi dostluqlarını ön plana verirlər".
Q.Hüseynli qeyd edib ki, Fransanın apardığı "savaşın" həm ideolgi, həm də geosiyasi maraqları var..
"Onlar geosiyasi planda müstəmləkə yerlərində yaratdıqları boşluqların yerini Cənubi Qafqazda özlərinin təsir dairələrini yüksəltməklə qoruyub saxlamaq fikrindədirlər. Üstəlik yaxşı bilirlər ki, ermənilərdən maşa kimi istifadə etmək olar. Düşünürlər ki, bölgənin digər ölkələrini, xüsusilə Türkiyə və Azərbaycanı daim öz nəzarəti altında saxlamağa cəhd edə bilərlər. Amma Fransa başından yekə işlərə baş qoşub. Xüsusilə də strateji üstünlük qazanmaq və Azərbaycanı da öz təsir dairəsində saxlamaq üçün ermənilərdən istifadə etməklə heç zaman niyyətlərinə çata bilməyəcəklər. Bu nöqteyi-nəzərdən də addımları avantürizm, siyasi manipulyasiya, siyasi möhtəkirlik və yeni müstəmləkəçilik siyasəti kimi də səciyyələndirilə bilər".
