Ukraynalı bir kişinin evindən rus əsgərlər tərəfindən oğurlanan bir cüt simsiz qulaqlıq Rusiyaya baha başa gəlib. Qulaqlıqdakı tətbiq sayəsində o, sosial şəbəkədə Ukraynada rus qoşunlarının mövqeyini addım-addım paylaşıb.
Hafta.az xəbər verir ki, müharibənin ilk günlərində rus qoşunları Kiyevi ələ keçirmək üçün paytaxt ətrafındakı yaşayış məntəqələrinə hücum etməyə başladı.
Kiyevin şimal-qərbində yerləşən Hostomel şəhərində yaşayan Vitali Semenetsin evi rus əsgərləri tərəfindən talan edilib. Evindən oğurlandığını anladığı simsiz qulaqcıqları sayəsində ukraynalı rus əsgərlərini addım-addım təqib edərək, sosial media hesabında onların yerini açıqlayıb.
Semenets İnstaqram hesabında ilk paylaşımında rus əsgərlərini "Orklara" bənzədib və "Hostomeldəki evim rus orkları tərəfindən talan edilib. Onların harada olduğunu oğurladıqları qulaqcıqlarımdakı texnologiya sayəsində bilirəm" deyib.
Kişinin paylaşımı qısa müddətdə 28 mindən çox bəyənmə toplasa da, istifadəçilər ona yeni qulaqlıq göndərilməsini istəyiblər.
İnkişaf etməkdə olan texnologiya ilə bir çox cihaz yer izləmə xüsusiyyətləri ilə uzaqdan izlənilə bilər. Cihaz sahibləri internetə qoşulduqda itirilmiş cihazları bluetooth və ya proqramlar vasitəsilə uzaqdan izləyə bilərlər.
Rus qoşunları bu ay Kiyevdən geri çəkilərkən Semenetsin qulaqcıqları əvvəlcə sərhəddən Belarusa aparılıb, sonra isə Qomel şəhəri yaxınlığında gəlib.
Qulaqcıqların Rusiyanın Belqorod şəhərinə gəlməsi Moskvanın Donbas bölgəsinə hücum etmək üçün əsgər topladığı iddialarını təsdiqləyib.
Rus əsgərlərinin Ukraynada evləri, bazarları və iş yerlərini qarət etməsi ilə bağlı çoxlu görüntülər və məlumatlar var. Bir aylıq işğaldan sonra Kiyev yaxınlığındakı Novıy Bıkiv kəndinə qayıdan sakinlər evlərindən ətir, zinət əşyaları və skuter kimi şəxsi əşyalarının oğurlandığını aşkar ediblər.
