Qazaxıstanın Türküstan vilayətindəki "Jalpak" yatağının "Vostochnı" ərazisində yerin təkinin dövlət geoloji tədqiqi çərçivəsində kəşfiyyat işləri aparılıb. Nəticədə P1 və P2 kateqoriyalarında uran ehtiyatları müəyyən edilib.
Hafta.az-ın yazdığına görə, ilkin hesablamalara görə, burada uranın ehtiyatları 30 min tona çatır. Uran ehtiyatlarının C2 və C1 kateqoriyalı ehtiyatlara çevrilməsi üçün gələcək kəşfiyyat işlərinin həyata keçirilməsinin məqsədəuyğunluğu təsdiq edilib ki, bu işlərin nəticələrinə görə ərazidə uran ehtiyatları yenilənəcək.
Uran mineral-ehtiyat bazasının artırılması üzrə kəşfiyyat proqramı çərçivəsində “Kazatomprom” sonradan hesablanmış uran ehtiyatlarının dövlət balansına daxil edilməsi ilə 6 il müddətində kəşfiyyat işləri aparmağı planlaşdırır.
“Qürur hissi ilə qeyd edirik ki, uran yataqlarının kəşfiyyatı və tədqiqi sahəsində səylərimiz öz bəhrəsini verir, Qazaxıstanın uran sənayesində aparıcı qlobal lider kimi mövqeyini möhkəmləndirməyə kömək edir. Bu da xüsusilə son vaxtlar məhsula artan tələbat fonunda çox vacibdir. Əminəm ki, gələcək tədqiqatlar və inkişaflar uran ehtiyatlarımızı əhəmiyyətli dərəcədə artıracaq, qlobal enerji təhlükəsizliyini və ölkəmizin iqtisadi artımını təmin etməyə kömək edəcək”, - deyə “Kazatomprom” İdarə Heyətinin sədri Meyrjan Yusupov bildirib.
Enerji təhlükəsizliyinə və enerji istehsal mənbələrinin şaxələndirilməsinə artan diqqət, nüvə enerjisinin qalıq yanacaqlara əvəzsiz alternativ kimi ön plana çıxmasına imkan verib. Dünyanın aparıcı təbii uran istehsalçısı və tədarükçüsü olan “Kazatomprom” təmiz enerjiyə keçid üzrə qlobal səylərdə mühüm rol oynayır və öz mövqeyini qoruyub saxlamağa sadiqdir.
