“Qazprom”un açıqladığı illik fəaliyyət hesabatına əsasən, şirkətin qaz hasilatı ötən il 359 milyard kubmetrə çatıb ki, bu da SSRİ Qaz Sənayesi Nazirliyindən ayrılaraq şirkətə çevrildiyi 34 ilin ən aşağı səviyyəsidir.
Hafta.az-ın yazdığına görə, 2022-ci illə müqayisədə “Qazprom” hasilatın 13 faizini itirib. 2021-ci ildə “Qazprom”un hasilatı ildə 515 milyard kubmetr idi.
Fevralın əvvəlində baş nazirin müavini Aleksandr Novak bildirib ki, Rusiyada təbii qaz hasilatı 2023-cü ildə 5,5 faiz azalaraq 636,7 milyard kubmetrə düşüb. “Qazprom”un rəsmi fəaliyyət hesabatı göstərir ki, azalma daha böyükdür.
“Qazprom” Ukraynaya qarşı hərbi əməliyyatdan sonra avropalı müştərilərinin əksəriyyətini itirib. Ötən il MDB-dən kənar ölkələrə 69 milyard kubmetr qaz satıla bilərdi. Bu, 1985-ci ildən bəri ən aşağı məbləğ idi.
“Qazprom” ili ilk dəfə olaraq beynəlxalq maliyyə hesabatı standartlarına cavab verən rekord 629 milyard rubl itki ilə başa vurub.
