“Heç kim gözləməməlidir ki, Rusiya 2008-ci ildə Saakaşvilinin təhvil verdiyini götürüb sizə qaytaracaq, iş görmək lazımdır”.
Hafta.az-ın yazdığına görə, bunu “Gürcü Arzusu”nun üzvü Qia Volski bildirib.
Volskidən Sergey Lavrovun “Rusiya Gürcüstan, Abxaziya və Cənubi Osetiyaya münasibətləri normallaşdırmaq üçün kömək etməyə hazırdır” bəyanatı ilə bağlı sual verilib.
“Lavrov məsələsi ilə bağlı müxalifətin təcrübələrini eşidəcəyik, onlar ərazilərin 20 faizini Rusiyaya verərək Moskvanın Cənubi Qafqazda möhkəmlənməsi üçün hər şeyi ediblər. Rusiyanın birbaşa əlaqələrimizə mane olmayacağının özü də pis mesaj deyil. Önəmli olan ondan necə istifadə edəcəyinizdir, heç kim gözləməsin ki, Rusiya 2008-ci ildə Saakaşvilinin təhvil verdiyini sizə qaytaracaq, işləmək lazımdır. Vaxtı gələndə Avropa İttifaqı öz faydasız proqramlarına qarışacaq”. - Volski deyib.
