Rusiya ordusu Ukraynadakı qoşunlarını effektiv şəkildə koordinasiya edə bilmir.
Hafta.az “UNİAN”a istinadla xəbər verir ki, bu barədə Britaniyanın Müdafiə Nazirliyi “Twitter” səhifəsində məlumat yayıb.
Kəşfiyyat məlumatlarına görə, genişmiqyaslı işğalın əvvəlində Ukraynaya soxulan Rusiya ordusu beş qoşun qrupunda birləşən 70 döyüş alayı və briqadanı təşkil edən 200 mindən çox hərbçidən ibarət olub.
Bu gün vəziyyət dəyişib.
"İndi Rusiya qüvvələri əsasən zəif təlim keçmiş səfərbər edilmiş ehtiyatda olan hərbçilərdən ibarətdir və getdikcə köhnələn texnikadan asılıdır. Hərbi birləşmələrin bir çox hissəsi ciddi şəkildə zəif komplektləşdirilib. Və Rusiya ordusu adətən yalnız çox sadə piyada əməliyyatları aparır", - deyə kəşfiyyat məlumatında bildirilir.
-1781531564.jpg&h=173&w=263&zc=1&q=80)
