Ruslar hansı ölkədə neçə şirkət qurdular?

09:10 23.02.2024 Müəllif:Vüsal Tağıbəyli
Yazını böyüt
Yazını kiçilt

Qərb dövlətlərinin tətbiq etdiyi sanksiyalar və uçuş qadağaları rusları hər sahədə olduğu kimi ticarətdə də Türkiyəyə üz tutmağa məcbur edir.

Hafta.az-ın “Forbes”ə istinadən yazdığına görə, Türkiyədən kommersiya daşınmaz əmlakı və mənzil almaqda son illər rekord qıran ruslar şirkət yaratmaqda da çox sürətlidirlər. 2021-ci ildə Türkiyədə cəmi 177 səhmdar və məhdud məsuliyyətli şirkət quran ruslar, 2022-ci ildə 1384 şirkət yaradaraq mənzil alımında olduğu kimi bum yaşadılar. Ötən il isə qurulan şirkət sayı 2 dəfədən çox artaraq 2750 olub.

Bu rəqəmlə Türkiyə rusların xaricdə ən çox şirkət açdığı 6-cı ölkə olub.

Türkiyədəki rus şirkətlərinin ümumi sayı 23700-ə çataraq tarixin ən yüksək rekordunu qıırb.

Qeyd edək ki, 2023-cü ildə Rusiya vətəndaşlarının ən çox şirkət açdığı ölkə Gürcüstandır. Ruslar bu ölkədə 13 min yeni şirkət açıblar. Gürcüstanda yaradılan fərdi sahibkarlar 1 faiz gəlir vergisi ödəyirlər. Məhdud şirkətlər 100 min lari, yəni 3,32 milyon rubl dövriyyəyə qədər vergi qeydiyyatından azad edilir. Rusların 2023-cü ildə ən çox şirkət açdığı ikinci ölkə 6100 şirkətlə Qazaxıstandır.

Ruslar Ermənistan və Monteneqronun hər birində 3400 şirkət açdıqları halda, Serbiyada 3000-ə yaxın yeni şirkətlər qurublar. Serbiyadan sonra Türkiyə 2750 şirkətlə altıncı yerdədir. Türkiyədən sonra 1000 şirkətlə Birləşmiş Ərəb Əmirlikləri və 745 şirkətlə Özbəkistan rusların ən çox müraciət etdiyi ölkələr sırasındadır.

Oxunma sayı 195