İki il əvvəl haqqında həbs qərarı verilən, buna baxmayaraq gizli şəkildə Gürcüstana qayıdan və həbs edilən keçmiş prezident Mixail Saakaşvilinin sosial şəbəkədə yayılmış son fotosu onu təəccübləndirmişdi. Çoxları Saakaşvilini tanımaqda çətinlik çəkib.
Hafta.az-ın yazdığına görə, yaratdığı müxalif Vahid Milli Hərəkat partiyasını birliyə çağıran Saakaşvili sosial şəbəkədəki mesajında qeyd edib ki, bu, respublika daxilində siyasi gücün qələbə çalmasının yeganə yoludur.
“Xırda incikliklər və şəxsi iddialarla heç nə etmək olmaz”, - Saakaşvili yazıb.
55 yaşlı eks-prezident deyib: “Hər cür süni parçalanma, təfriqə, gündəmi başqa istiqamətə yönəltmək düşmənimizin oyunudur və biz düşməni sevindirməməliyik. Xalq partiyanı parçalamağa çalışanları bağışlamayacaq, nə mən, nə də xalqımız buna icazə verməyəcək”, - deyə o bildirib.
Ona qarşı çoxsaylı cinayət işlərinə baxmayaraq, Saakaşvili 2021-ci ilin oktyabrında doğma şəhərinə qayıdıb və həbs edilib. Saakaşvili aclıq aksiyasına başlayıb, səhhəti pisləşib və 2022-ci ilin mayında müayinə olunmaq üçün həbsxanadan paytaxtdakı klinikaya köçürülüb.
