“Basic İnstinct” və “Casino” kimi prodüserləri ilə tanınan Şeron Stoun HBO-nun məşhur gənclik serialı “Euphoria”nın üçüncü sezon heyətinə qatılmaq üçün danışıqlar aparır. 8 epizoddan ibarət yeni mövsümdə personajları orta məktəbdən kənara çıxaran zaman sıçrayışı olacaq. Yeni bölümlər ikinci sezondan 4 il sonra - 2026-cı ildə tamaşaçılarla görüşəcək.
Hafta.az-ın “Deadline”a istinadən yazdığına görə, Zendaya, Hunter Şafer, Erik Dan, Cekob Elordi, Sidney Sviney, Aleks Demye, Maud Apatou və Kolman Dominqo kimi məşhur adlar üçüncü sezonda geri dönəcək.
Marta Kelli, Çloe Cerri, Adeval Akinnuye-Agbaje və Tobi Vallase yeni mövsümün aktyor heyətinə adi rollarda qoşulacaq, Rozalia, Marşaun Linç və Kadim Hardison isə qonaq ulduz kimi görünəcəklər.
Mənbələrə görə, Alqi Smit və Nik King üçüncü mövsümdə geri qayıtmayacaq. Dominik Fike seriala davam edib-etməyəcəyi hələ dəqiq deyil.
Sem Levinsonun yaratdığı, ssenari müəllifi və rejissoru olduğu səbirsizliklə gözlənilən “Euphoria” serialının yeni sezonu Los-Ancelesdə çəkilir.
Bu günə qədər serial 25 Emmy nominasiyası alıb və 9 mükafat qazanıb. Zendaya iki dəfə Ən Yaxşı Qadın Oyunçu mükafatını qazanıb, Kolman Dominqo isə Ən Yaxşı Qonaq Aktyor seçilib.
Tənqidçilərdən tam qiymət alan “Euphoria” həm də HBO tarixinin ən çox baxılan prodüserlərindən biridir.
Oskar namizədi və Emmi mükafatı laureatı Şeron Stoun Robert De Niro ilə birlikdə Martin Skorsezenin “Casino”sunda rol alıb.
2004-cü ildə “The Practice” serialında Şeyla Karlayl roluna görə Emmi mükafatı qazanıb. Amerikalı ulduzun digər mühüm layihələrinə “The Specialist”, “Total Recall”, “Sliver”, “Bobby” və “The Laundromat” daxildir.
