Özbəkistan prezidenti Şavkat Mirziyoyev soyuq havada aidiyyəti təşkilatlara borclarına görə yaşayış binalarını işıq və qazdan ayırmağı qadağan edib. Bu barədə bazar ertəsi prezidentin mətbuat katibi Şerzod Əsədov məlumat verib.
"Prezident Şavkat Mirziyoyev əhalinin enerji resursları ilə təmin olunmasına həsr olunmuş geniş müşavirədə vurğulayıb ki, bu soyuq günlərdə borca görə evlərdə qazın və işığın kəsilməsinə icazə verilmir", - Əsədov Telegram kanalında yazıb.
Onun sözlərinə görə, “prezident baş nazirə və energetika nazirinə problemli yaşayış məntəqələrindən əhaliyə təcili yardım göstərəcək, işıq, qaz və istilik enerjisinin kəsilməsinin fəsadlarının nə vaxta qədər davam edəcəyini əhaliyə aydın şəkildə çatdıracaq sistem yaratmağı tapşırıb”.
