ABŞ-ın Texas ştatının rəsmiləri magistral yolun kənarında dilləri və çənələri cərrahi dəqiqliklə kəsilmiş 6 inəyin ölü tapılmasında məəttəl qalıb.
Hafta.az-ın İndependent-ə istinadən yazdığına görə, Madison Counti Polis Ofisi, ilk dəfə ötən həftə fermerlər OSR Dövlət Magistral Yolu yaxınlığında amputasiya edilmiş altı yaşlı uzunbuynuzlu Texas inəyini tapdıqlarını bildirdikdə bu qəribə ölümdən narahat olmuşdu. Polis ofisi həmin heyvanın dilinin cərrahi dəqiqliklə çıxarıldığını və "heç bir qan tökülmədiyini" söyləmişdi. İnəyin ağzının bir tərəfindəki dəri də "düz, təmiz kəsiklə və nəzərəçarpacaq incəliklə" çıxarılmışdı.
Rəsmilər bildiriblər ki, mübarizə əlamətlərinin olmayıb və inəyin ətrafındakı otlar əzilməyib. Ərazidə heç bir ayaq izi və təkər izi aşkar edilməyib.
Fermerlər detektivlərə bildiriblər ki, heç bir yırtıcı və ya quş heyvanın qalıqlarını didməyə cəhd etmədiyi üçün inək bir neçə həftə ərzində toxunulmaz vəziyyətdə qalıb.
Hadisədən sonra aparılan araşdırmada səlahiyyətlilər Brazos və Robertson əyalətlərinə uzanan OSR bölgəsində oxşar şəkildə daha 5 inəyin öldüyünü və onun əzalarının kəsildiyini müəyyənləşdirib. Hər biri ayrı-ayrı yerlərdə tapılan və müxtəlif sürülərə aid olan altı inək dilləri çənə səviyyəsindən kəsilmişdi. Hər ikisinin anus və xarici cinsiyyət orqanları dairəvi kəsiklə çıxarılıb. 6 inəkdən heç birinin ölüm səbəbi rəsmi şəkildə müəyyən edilməyib.
Madison Counti Polis Ofisi, oxşar hadisələrin ölkə daxilində qeydə alındığını və əməliyyatçıların adları açıqlanmayan “digər qurumlarla” koordinasiyada çalışdığını bildirib.
-1781546849.jpg&h=173&w=263&zc=1&q=80)
