Aprel ayında Türkiyənin xarici ticarət kəsiri əvvəlki ilin eyni ayına görə 12,9 faiz artaraq 8 milyard 739 milyon dollardan 9 milyard 863 milyon dollara çıxıb.
Hafta.az-ın Türkiyə Statistika Təşkilatı (TÜİK) və Ticarət Nazirliyinin ümumi ticarət sistemi daxilində müvəqqəti xarici ticarət məlumatlarına istinadən yazdığına görə, xarici ticarət kəsiri yanvar-aprel dövründə 30,5 faiz azalaraq 30 milyard 243 milyon dollara düşüb.
2023-cü ilin yanvar-aprel dövründə ixrac-idxalın əhatə dairəsi 64,9 olduğu halda, 2024-cü ilin eyni dövründə 73,3-ə yüksəlib.
Aprel ayında ən çox ixrac edilən ölkələr aşağıdakılardır:
Almaniya 1 milyard 483 milyon dollar, ABŞ 1 milyard 186 milyon dollar, Böyük Britaniya 1 milyard 170 milyon dollar, İraq 876 milyon dollar, İtaliya 861 milyon dollar.
İlk beşliyə daxil olan ölkəyə ixrac Türkiyənin ümumi ixracının 29 faizini təşkil edib.
Apreldə ən çox idxal edilən ölkələr aşağıdakılardır:
Çin 3 milyard 754 milyon dollar, Rusiya 3 milyard 327 milyon dollar, Almaniya 2 milyard 242 milyon dollar, İtaliya 1 milyard 984 milyon dollar, ABŞ 1 milyard 331 milyon dollar.
İlk beş ölkədən Türkiyəyə idxal ümumi idxalın 43,4 faizini təşkil edib.
