Özbəkistan Statistika Komitəsinin məlumatlarına görə, 2026-cı ilin əvvəlindən bəri 1,63 milyondan çox ölkə vətəndaşı xaricə səyahət edib. Podrobno.uz-un məlumatına görə, bu rəqəm ötən ilin eyni dövrü ilə müqayisədə 111600 nəfər artım deməkdir.
Hafta.az yazır ki, səyahət məkanları arasında qonşu ölkələr fərqlənir. Ən çox ziyarət edilən ölkə 660600 turistlə Qırğızıstan olub. 284 mindən çox vətəndaş Qazaxıstana, 282 mindən çox vətəndaş isə Tacikistana səfər edib.
Uzaq məsafəli məkanlar arasında 136 mindən çox ziyarətçi ilə Səudiyyə Ərəbistanı fərqlənir. 88300-dən çox Özbəkistan vətəndaşı Rusiyaya, 52 mindən çox vətəndaş isə Türkiyəyə səfər edib.
Bundan əlavə, Birləşmiş Ərəb Əmirliklərinə 28 mindən çox, Çinə 15800, Tailanda 13800 və Misirə 12 mindən çox turist səfər edib.
Onu da qeyd edək ki, ilin ilk iki ayında Özbəkistana təxminən 2 milyon xarici turist səfər edib.
