Monqolustan Korrupsiyaya Qarşı Mübarizə Agentliyi kömür oğurluğu ilə bağlı aparılan istintaq çərçivəsində ölkənin üç keçmiş baş nazirinin ifadələrini almağı planlaşdırır. Bu barədə Ikon.mn internet portalında deyilir.
Çərşənbə axşamı, dekabrın 20-də Batbold Sukhbaatar, Erdenebat Jhargaltulg və Bayar Sanzh şöbəyə çağırılıb. Bu adamlar əvvəllər Monqolustan hökumətinə rəhbərlik ediblər.
Hazırda Monqolustanda kömür oğurluğu ilə bağlı ehtimal edilən 50 nəfərə qarşı istintaq hərəkətləri davam etdirilir.
İstintaqın digər təfərrüatları hələlik açıqlanmır. Quruma çağırılan 3 şübhəlinin 2007-ci ildən 2017-ci ilə kimi müxtəlif dövrlərdə işlədiyi məlum olub.
Bundan əvvəl Monqolustanın keçmiş prezidenti Xaltmaaqiyn Battulqa kömür oğurluğu ilə bağlı dindirilməyə çağırılıb.
Monqolustanda etirazlar fonunda irimiqyaslı kömür oğurluğu ilə bağlı 22 araşdırma aparılır. Monqolustanın hökumət işləri üzrə meneceri Daşzeqviin Amarbayasqalan vurğulayıb ki, səlahiyyətlilərə məxfi müqavilələri açıqlamaq tapşırılıb.
