Ukraynanın 31-ci əlahiddə mexanikləşdirilmiş briqadasının 1-ci mexanikləşdirilmiş taboru "cib" adlanan ərazini - üç tərəfdən düşmənlə əhatə olunmuş cəbhənin Rivne şəhərinin şimalında yerləşən hissəsini tamamilə tərk edərək mühasirədən çıxıb.
Hafta.az “TSN”ə istinadla xəbər verir ki, bu barədə “DeepState” yazır.
Bu mövqeləri tutan bütün ukraynalı döyüşçülər çıxış zamanı yalnız yüngül yaralar alaraq ərazini sağ-salamat tərk edə biliblər.
Son bir ay yarım ərzində bu bölmənin qarnizonu nadir hallarda birbaşa döyüşə girirdi, çünki düşmən şosse ilə və Novopoldan keçməyi seçərək taktikasını dəyişdi. Bununla belə, bu ərazi əvvəllər şiddətli toqquşmalara səhnə olub, o zaman ukraynalı əsgərlər, hətta minaatan ekipajları da atıcı silahlarla döyüşlərdə iştirak etməli olub.
Xatırladaq ki, Rusiya ordusu işğalın əvvəlindən ilk dəfə olaraq Zaporojye istiqamətində bütün cəbhə xətti boyunca irəliləməyə çalışaraq Cənubda hərbi əməliyyatları gücləndirib.
Xarkov vilayətində də nəzərəçarpacaq eskalasiya müşahidə olunur. Rusiya qoşunları hücumlarının intensivliyini artırmaqla yanaşı, Bolşoy Burluk kəndinin şimal-şərqində yerləşən yeni ərazidə dövlət sərhədini də keçiblər.
-1780940155.jpg&h=173&w=263&zc=1&q=80)
