Yazını böyüt
Yazını kiçilt
Müharibənin doqquz ayı ərzində ukraynalı müdafiəçilər rekord sayda rus generalını məhv ediblər.
Hərbi ekspert Oleq Jdanov bu barədə danışaraq qeyd edib ki, Rusiya artıq 13 generalını itirib və bu, rekord sayıla bilər.
"Müharibənin doqquz ayı ərzində 13 generalın itirilməsi nonsensdir, bu, Ginnes rekordudur", - Jdanov hesab edir.
Ekspert Rusiyada tank çatışmazlığından da danışıb. Onun sözlərinə görə, Rusiya Federasiyasının döyüş vəziyyətində olan 3500-ə yaxın tankı var idi, lakin hazırda onların anbarlarında 500-ə qədər tank qalıb ki, bu da çox güman ki, təmirə ehtiyac duyur.
Gözə çarpan çatışmazlıq səbəbindən ruslar son vaxtlar Belarusda T-72 və T-62 tanklarını fəal şəkildə axtarırlar.
