Ukrayna ilə Rusiya arasında dünən gecə Donbass müharibəsi başlayarkən İngiltərədən Rusiyanı qəzəbləndirəcək bir addım reallaşır. London Ukraynaya müharibədə xüsusi əhəmiyyət kəsb edəcək silah göndərmək qərarına gəlib.
Hafta.az bildirir ki, ötən gecədən etibarən Donbass müharibəsi başladığı üçün müharibə ölkənin şərqində cəmləşib.
Ukrayna bölgədəki şəhərlərini müdafiə etmək üçün mübarizə apararkən dünyadan dəstək axtarmağa davam edir.
Zelenskinin hər fürsətdə səsləndirdiyi çağırış İngiltərə tərəfindən cavablandırılıb. İngiltərə Rusiyaya qarşı mübarizədə həyati əhəmiyyət kəsb edən “Stormer” raket sistemlərini Ukraynaya göndərmək qərarına gəlib.
İngilis mətbuatı sözügedən raketlərin alçaqdan uçan təyyarələrə qarşı hazırlandığını bildirərək, bu addımın Ukraynanın hava hücumlarına qarşı əlini gücləndirəcəyini yazıb.
“The Sun” qəzeti bu inkişafı “Putin ordusuna cəhənnəmi yaşadacaq” kimi açıqlasa da, xəbərdə raketin texniki xüsusiyyətləri də yer alıb.
Stormer raket sistemlərinin xüsusiyyətləri aşağıdakılardır...
Tələb olunan kadrların sayı: 3
Çəkisi: 13,5 ton
Uzunluq. 5.6 metr
Eni: 2.8 metr
Hündürlük: 3.4 metr
Səsdən üç dəfə sürətli hərəkət edə bilən raket çiyindən istifadə edilə və ya Stormerin qülləsinə quraşdırıla bilər.
Əfqanıstandakı Britaniya qoşunlarının keçmiş komandanı, polkovnik Riçard Kemp qəzetə deyib: “Yeni raketlər Ukraynanın döyüş qabiliyyətinə böyük təkan verəcək. Bu, Putinin hava qüvvələrinə ciddi ziyan vuracaq".
