Ruslar Xersonu tərk etmək fikrində deyillər. Bu, Ukraynanın başqa istiqamətlərdən ora qoşun yeritməsi üçün edilib.
Hafta.az bildirib ki, bunu İtaliyanın “Corriere della Sera” nəşrinə müsahibəsində prezident Vladimir Zelenski deyib.
"Biz insanlarla Rusiya kimi davrana bilmərik, həyat bizim üçün vacibdir, deyə bilmərik: ora get və öl. Ona görə də biz yollar axtarır, daha çox insanı xilas etmək üçün daha çox zirehli texnika istəyirik", - Zelenski bildirib.
Eyni zamanda prezident rusların Xersondan qaçdığını təsdiqləməyib. Bu hesabla bağlı bütün şayiələr Ukrayna bölmələrini digər təhlükəli istiqamətlərdən köçürmək üçün informasiya hücumudur.
"Onlar Xersonu tərk etməyə hazır deyillər, lakin bilirlər ki, uğur qazansaq, onları mühasirəyə alacağıq. Biz bunun üzərində işləyirik. Onların ən təlim keçmiş əsgərləri yerində qalıb, heç kim getməyib", - prezident əlavə edib.
