Rejissor Yorgos Lantimosun"Poor Things" filmi son dövrlərin ən uğurlu filmlərindən olub və bir çox mühüm Oskar kateqoriyalarındaiddiasını davam etdirir. Tənqidçilər tərəfindən yüksək qiymətləndirilən film, mükafatlar mövsümündə fırtınalı davam edərkən, Lantimos artıq növbəti layihəsini müəyyənləşdirib.
Hafta.az-ın “Variety”dərgisinə istinadən yazdığına görə, Lantimos, Cang Coon-hvanın 2005-ci ildə Cənubi Koreyanın "Save the Green Planet" adlı elmi fantastika satirasını "Poor Things" filmini də istehsal edən Element Pictures-lə birlikdə yenidən çəkməyi planlaşdırır.
“Hereditary” və “Midsommar”ın rejissoru Ari Aster kimi təxribatçı rejissorları ilhamlandıran çarpaz janrlı film, yadplanetlilərin işğalının bir hissəsi olduğuna inandığı bir əczaçılıq rəhbərini ələ keçirən və ona işgəncə verən bir adam haqqındadır.
Digər tərəfdən, Lantimos tez-tez əməkdaşlıq etdiyi Emma Stoun, Uillyam Dafoe, Marqaret Qualley və Coe Alvinlə yenidən bir araya gəldiyi yeni filmi "Kinds of Kindness"nin istehsalını artıq tamamlayıb.
Yunan rejissor əvvəlcə AND adını verdiyi, sonar isə dəyişdiyi filmin post-produktorunu davam etdirir. Rejissor bu yaxınlarda hər bir aktyorun birdən çox rol oynayacağını da açıqlamışdı.
Lantimos“The Guardian”a verdiyi müsahibədə, "Bu, ABŞ-da çəkilən müasir filmdir. Üç fərqli hekayə, hər hekayədə 4 və ya 5 aktyor rol alır, yəni hamısı fərqli rol oynayır" deyib.
Əgər Lantimos “Save the Green Planet”filminə rəhbərlik etsə, bu, onun kinodan çəkinmək meylindən bir daha uzaqlaşdığı anlamına gələcək.
“İndie Wire”ə"Poor Things" haqqında verdiyi son müsahibəsində uzaqgörən rejissor deyib ki, filmi bitirdikdən sonra həmişə təqaüdə çıxmaq haqqında düşünsə də, hər dəfə onu bu fikrindən döndərəcək layihələr tapır.
"Poor Things" filmi tənqidçilərdən tam qiymət alıb və ən yaxşı film, ən yaxşı rejissor və ən yaxşı aktrisa da daxilolmaqla 11 kateqoriya üzrə Oskara namizəd olub. Film ötən gecə keçirilən BAFTA mərasimindən 5 mükafatla ayrılıb.
Rejissorun 2018-ci ildə çəkdiyi qara komediya "The Favorite" 7 BAFTA və 8 Avropa Film Mükafatı qazanıb. Filmdə rol alan Olivia Kolman da "Ən yaxşı qadın rolu" nominasiyasında "Oskar" və "QızılQlobus"a layiq görülüb.
