“What We Do in the Shadows” serialının 6-cı və son mövsümünün premyera tarixi müəyyənləşib.
Hafta.az-ın “Entertainment Weekly”a istinadən yazdığına görə, komediya serialının final mövsümünün ilk üç seriyasının premyerası oktyabrın 21-də keçiriləcək. 6-cı və final mövsümü ümumilikdə 11 seriyadan ibarət olacaq. Yeni bölüm hər həftə ekranlarda görünəcək.
ABŞ-da FX və Hulu kanallarında yayımlanacaq bölümlər daha sonra Disney+-da da nümayiş olunacaq.
Yeni mövsümdə tamhüquqlu vampir kimi qısa müddətdən sonra Guillermo həyatını yenidən qiymətləndirir.
Keçmiş otaq yoldaşları 50 ildən sonra yenidən üzə çıxanda, yarım əsrdə nə qədər az iş gördüklərini dərk edirlər: Heç bir məqsədə nail olunmayıb, heç bir arzu həyata keçirilməyib, yeni dünyanın heç bir hissəsi fəth edilməyib...
Guillermo roluna çəkilən Harvey Guillendən başqa, serialda Kayvan Novak, Matt Berri, Natasia Demetriou, Mark Prokz və Kristen Şaal da çəkilib.
6-cı mövsümün premyera tarixi xəbərləri “What We Do in the Shadows” filminin 8 Emmi mükafatına, o cümlədən “Ən Yaxşı Komediya Serialı”na namizəd olmasından qısa müddət sonra gəlir.
"Hamımızın razılaşdığı əsas şey, "çox xüsusi" bir final mövsümü keçirmək istəməməyimiz idi" deyibi şoumen Paul Simms “Entertainment Weekly”ə. “Biz sadəcə gülməli olmağa diqqət etdik. Mən üç epizodu redaktə etməyi bitirdim və düşünürəm ki, bu hələ bizim ən yaxşı mövsümlərimizdən biridir” deyib.
“What We Do in the Shadows” filmi Tayka Uaytiti tərəfindən 2014-cü ildə çəkilmiş eyniadlı maket filmə əsaslanır.
2019-cu ildə premyerası olan serial həm tənqidçilərdən, həm də tamaşaçılardan yüksək rəylər alır.
