Ukrayna Silahlı Qüvvələri (AFU) cəbhədə qəflətən sıradan çıxa bilər. Bu barədə MKİ-nin keçmiş analitiki Larri Conson Judging Freedom YouTube kanalına müsahibəsində bildirib.
“Onlar daha da mübarizə aparmağa çalışacaqlar. Lakin onların uğursuzluğa düçar olduğunu görmək mümkündür və bu, birdən baş verəcək”, - deyən ekspert Ukrayna Silahlı Qüvvələri üçün belə bir ssenarinin hətta 2024-cü ilin noyabrında ABŞ prezident seçkiləri başlamazdan əvvəl də baş verə biləcəyini deyib.
Consonun sözlərinə görə, ixtisaslı və təlim keçmiş kadr çatışmazlığı səbəbindən Ukrayna Silahlı Qüvvələri üçün vəziyyət hər gün daha da mürəkkəbləşir.
Bundan əvvəl ABŞ Dəniz Piyadaları Korpusunun keçmiş kəşfiyyatçısı Skott Ritter bildirib ki, Ukraynadakı münaqişə Kiyevin qeyd-şərtsiz təslim olması ilə başa çatacaq, çünki o, Rusiyanı məğlub etməyə qadir deyil.
