Mətbəxdə ən çox istifadə edilən tərəvəzlərdən biri olan soğan, yanlış şəraitdə saxlandıqda sürətlə cücərməyə başlayır. Bu, soğanın cücərmə ilə yanaşı, həm iqtisadi, həm də qida baxımından ciddi problem yaradır. Cücərmiş soğandan istifadə tövsiyə edilmir, ona görə də çox vaxt atılır. Buna görə soğanı cücərmədən qorumaq çox vacibdir.
Hafta.az-ın yazdığına görə, soğanların təbii şəkildə cücərməsinin qarşısını almaq üçün bəzi üsullar var:
Əvvəla, soğanı kartofdan uzaq tutun. Kartofun tərkibində etilen adlı qaz var. Etilen qazı soğanın tez yetişməsinə və xarab olmasına səbəb olur. Soğan və kartof ayrı saxlanmalıdır.
Soğanları yaxşı hava dövranı olan qaranlıq, sərin yerlərdə saxlamaq vacibdir. Birbaşa günəş işığından uzaq sərin, quru yerlərdə soğan təravətini daha uzun müddət saxlayacaq.
Hər bir soğanın ayrı-ayrılıqda kağız dəsmala bükülməsi və deşikli qutularda saxlanması rütubəti udacaq və onların cücərmədən daha uzun müddət saxlanmasına imkan verəcək.
Soğanı ağac yonqarı ilə dolu qutuda basdırmaq onları həm nəmdən, həm də birbaşa günəş işığından qoruyur. Bu üsul soğanı cücərmədən daha uzun müddət saxlamağa kömək edəcək.
