Belarusiyada döyüş hazırlığının yoxlanılması çərçivəsində hava hücumundan müdafiə qüvvələri ilə mexanikləşdirilmiş bölmə ərazinin təhlükəsizliyini və müdafiəsini işləyəcək.
Bu barədə Respublika Müdafiə Nazirliyinin mətbuat xidməti Telegram-da məlumat yayıb.
“Silahlı Qüvvələrin döyüşə hazırlığının davam etdirilən yoxlanışı çərçivəsində hava hücumundan müdafiə bölmələri tərəfindən gücləndirilmiş mexanikləşdirilmiş birləşmənin hərbi hissələrindən biri təyin olunmuş əraziyə irəliləyib”, - Müdafiə Nazirliyinin açıqlamasında bildirilir.
Nazirlikdən verilən məlumata görə, şəxsi heyət ərazinin mühafizəsi və müdafiəsinin, mühəndis texnikasının təşkili də daxil olmaqla bir sıra döyüş hazırlığı tapşırıqlarını yerinə yetirəcək. Bundan əlavə, maddi-texniki təminat və texniki təminat üzrə kompleks tədbirlər həyata keçiriləcək.
