Çin Hərbi Dəniz Qüvvələri qadınları və universitetin yeni məzunlarını daşıyıcı-təyyarə gəmisi pilotu kursları üçün işə qəbul edir. Bu barədə South China Morning Post sosial şəbəkələrdə donanmanın rəsmi hesabında kursantların işə qəbulu elanına istinadən xəbər verir.
Nəşrin məlumatına görə, elanda gənc kişilər və qadınlar “gəncliklərini dünya səviyyəli hərbi-dəniz donanmasının qurulmasına həsr etməyə və Çin xalqının böyük gəncləşməsinə töhfə verməyə çağırırlar!”
Namizədlər elm, texnologiya və ya mühəndislik sahəsində bakalavr dərəcəsi almış universiteti yeni bitirmiş şəxslər olmalıdır. Onların yaşı 24-dən yuxarı olmamalıdır və heç bir cinayət keçmişi olmamalıdır.
Mart və aprel aylarında iki seçmə mərhələdən sonra müvəffəqiyyət qazanan namizədlər Şandun əyalətinin Yantai şəhərində yerləşən Çin Dəniz Aviasiya Universitetinə gedəcək və burada üç-dörd illik nəzəri və uçuş təlimlərini tamamlayacaqlar.
Qeyd olunur ki, əvvəllər bu ali məktəbə yalnız orta məktəbi bitirdikdən sonra daxil olmaq mümkün idi. Bundan əlavə, qadınlar daşıyıcıya əsaslanan aviasiya üçün təlim keçmirdilər - onlar yalnız Hərbi Hava Qüvvələrinin qırıcılarını uçurmaq üçün öyrədilirdilər.
Nəşr hesab edir ki, dəniz aviasiya universitetinə işə qəbul qaydalarında belə dəyişikliklər pilot çatışmazlığı ilə bağlıdır.
