Dünən Çinin Qufu əyalətinin eyniadlı kəndində iki günlük 10-cu Nişan Dünya Sivilizasiya Forumu açılıb.
Hafta.az-ın yazdığına görə, Nişan kəndi görkəmli Çin filosofu Konfutsinin doğulduğu yerdir.
Forumun builki əsas mövzusu ənənəvi mədəniyyət və müasir sivilizasiya olub. Tədbir qlobal çağırışlara daha yaxşı cavab vermək və bəşər sivilizasiyasının tərəqqisini təşviq etmək üçün həllər təqdim etmək məqsədi daşıyır. Bu gün də davam edəcək forumda dünyanın 63 ölkə və regionundan 400-ə yaxın xarici qonaq iştirak edir. Forumda müxtəlif tədbirlər, o cümlədən əsas çıxışlar, müsahibələr, paralel alt forumlar və sair olacaq.
2010-cu ildən başlayaraq keçirilən Dünya Sivilizasiyası üzrə Nişan Forumu dünyanın müxtəlif sivilizasiyaları arasında dialoqu təşviq etmək, Çin və xarici cəmiyyətlər arasında mübadilə və qarşılıqlı öyrənməni, bəşəriyyət üçün ortaq gələcəyi olan icmanın formalaşmasını təşviq etmək məqsədi daşıyır.
