Prezident İlham Əliyev Azərbaycan Milli Olimpiya komandası üzvlərinin təltif edilməsi haqqında Sərəncam imzalayıb. Sərəncama əsasən, XXXIII Paris Yay Olimpiya Oyunlarında qazanılmış yüksək nailiyyətlərə və Azərbaycan idmanının inkişafında xidmətlərinə görə Heydərov Hidayət Minayət oğlu, Kotsoiev Zelim Oleqoviç, Məmmədov Elxan Əbülfəz oğlu, Trautmann Riçard “Şöhrət” ordeni ilə təltif ediliblər.
Həftənin ZİYANKARI
Ermənistanın Vatikandakı eks-səfiri, keçmiş prezident Serj Sarkisyanın kürəkəni Mikael Minasyana qarşı yeni cinayət işi açılıb. Bu barədə Ermənistanın İctimai televiziyası Baş Prokurorluğa istinadən bildirib. Onun dövlətə təxminən 350 milyon dollar ziyan vurduğu bildirilir.
Həftənin MÜSAHİBƏSİ
Keçmiş Amerika lideri və Respublikaçılar Partiyasından prezidentliyə namizəd Donald Tramp amerikalı milyarder İlon Maska müsahibə verib. Müsahibə əsnasında Tramp bir neçə mövzudan bəhs edib. O, ABŞ-nin vitse-prezidenti, seçki yarışında rəqibi Kamala Harrisin hazırkı prezident Co Baydendən daha bacarıqsız olduğunu bildirib.
Həftənin BƏYİ
Məşhur türkiyəli iş adamı Acun Ilıcalı 25 yaşlı sevgilisi Ayça Çağla Altunkaya ilə evlənir. Cütlük Muğlada toy hazırlıqlarına başlayıb. Bunun üçün hotel bağlatdıran iş adamı qonaqlarını ən yaxşı şəkildə qarşılamaq üçün göstərişlər verib. Qeyd edək ki, Acun Ilıcalı bununla da 4-cü dəfə nikah masasına oturur. O, ilk evliliyini Seda Başbuğla edib və Banu adlı qızı olub. Ən sonuncu isə 2017-ci ildə Şeyma Subaşı ilə evlənib, bir il sonra boşanıb. Onların Melisa adlı bir qızı var.
Həftənin BOŞANMASI
Məşhur amerikalı müğənni Cennifer Lopez və aktyor Ben Afflekin boşanma iddiaları yayılıb. Bir müddət əvvəl məhkəməyə müraciət edən cütlüyün artıq boşandığı bildirilir. Mənbənin sözlərinə görə, Lopezlə Afflek nə qədər mübarizə aparsalar da, ən sonda bu qərara gəliblər. “Onlar bütün əlaqələri tamamilə kəsiblər. Nə üz-üzə, nə də telefonla ünsiyyət qururlar”,- deyə mənbə əlavə edib.
Həftənin MƏRHUMU
Avstriyalı milyarder Riçard Luqner 91 yaşında vəfat edib.O, Vyanada dünyasını dəyişib. Qeyd edək ki, Luqner iki dəfə Avstriya prezident seçkilərində müstəqil namizəd kimi iştirak edib. Lugner altı dəfə evlənib və dörd övladı var. O, 2024-cü ilin iyununda 42 yaşlı Simone Reilendertlə ailə həyatı qurmuşdu.
