Dünən Bakıda, Tusi-Bom Planetariumunda Polşanın “Kosmik zoo” uşaq planetarium filminin premyerası olub.
Hafta.az-ın yazdığına görə, Polşanın ölkəmizdəki səfiri Pavel Radomskinin rəsmi açılışını etdiyi tədbirdə Bakıdakı Tusi-Bom Planetariumunun direktoru Famil Mustafa, Silesian Planetariumun direktor müavini Damian Jabłeka (Polşa) da iştirak edib.
İlk nümayişdə diplomatik korpusun və Azərbaycan qurumlarının nümayəndələri, gənc tamaşaçılar iştirak ediblər. Film nümayişindən əvvəl uşaqlar üçün elmi seminarlar keçirilib.
“Kosmik zoopark” planetarium filmi Silezya Voyevodalığının vəsaiti ilə Çorzovdakı (Polşa) Nikolaus Kopernikus Planetarium və Rəsədxanası tərəfindən istehsal edilib. Film maarifləndirici xarakter daşıyır və ulduz bürcləri haqqında məlumat almaq imkanı verir. Bu həm gülməli, həm də təsiredicidir – uşaqlar zürafə balasının hekayəsindən sonra kosmos haqqında öyrənirlər.
Film Azərbaycan dilində nümayiş etdirilir (İngilis və Polyak versiyaları da istəyə görə verilir).
