Yazını böyüt
Yazını kiçilt
Latviya hazırda ABŞ-ın Stinger zenit-raket kompleksləri (MANPADS) və pilotsuz uçuş aparatları üçün nəzərdə tutulmuş raketlərin Ukraynaya ötürülməsi imkanlarını araşdırır. Bu barədə Bloomberg Latviya Müdafiə Nazirliyinin rəhbəri İnara Murniyesə istinadən məlumat yayıb.
Bildirilir ki, Kiyevə yardım paketi Ukrayna dövlət başçısı Vladimir Zelenskinin sorğularına cavab ola bilər.
"Ukrayna cəbhəsi bizim müdafiə xəttimizdir", - Latviyanın müdafiə naziri deyib.
Agentliyin məlumatına görə, gələcəkdə Estoniya, Latviya və Litvanın müdafiə nazirliklərinin rəhbərləri görüşərək region üçün müdafiə avadanlığının, o cümlədən ABŞ-ın HIMARS reaktiv buraxılış sistemlərinin (MLRS) birgə alınmasını müzakirə etmək niyyətindədirlər.
