ABŞ-ın məşhur kardioloqu Peter A. McCullough mRNA texnologiyası ilə hazırlanan Kovid-19 peyvəndlərinin yan təsirləri haqqında yazıb.
Hafta.az-ın “Substack”a istinadən yazdığına görə, daha əvvəl pandemiya ilə bağlı əsassız iddiaları ilə tənqid olunan McCullough, ona tez-tez bu sualın verildiyini söyləyib: “Nə üçün bir çoxları Covid-19 peyvəndindən razıdır, bəziləri isə ürək problemlərindən, insult və qan laxtalarından əziyyət çəkir və nəticədə əlil olur, ya da ölür?”.
60 yaşlı həkim aylardır bu vəziyyətin qismən peyvənd partiyalarındakı fərqlərdən qaynaqlandığından şübhələndiyini bildirib.
McCullough iddia edib ki, ABŞ Qida və Dərman İdarəsi tərəfindən verilən Fövqəladə Hallarda İstifadə Təsdiqinə əsasən, peyvənd şirkətləri və onlarla müqavilə bağlayan şirkətlər doldurulmuş flakonların son versiyasını yoxlamazlar. "Bu hər hansı geniş istifadə olunan məhsulda görünməmiş bir şeydir" deyib və flakonlarda lipid nanohissəciklərinin toplanması ilə bəzi peyvənd partiyalarının digərlərindən daha çox mRNT ehtiva edə biləcəyini qeyd edib.
Kardioloq iddia edib ki, vaksin partiyalarının ölçüsü zamanla dəyişir, ona görə də çirkləndirici yad maddələrin kiçik partiyalarda cəmləşməsi mümkündür. McCullough təklif edib ki, məhsulla işləmə, saxlama və istifadə amilləri də mRNT-nin təbiətini pisləşdirə bilər.
Məqalədə o da xatırladılıb ki, Yaponiyada istehsal olunan çox sayda “Moderna” peyvəndi 2021-ci ilin sentyabrında yad maddələr aşkar edildiyi üçün geri çağırılıb. Bu inkişafla yad cisimlə çirklənmə probleminin ortaya çıxdığı irəli sürülüb.
Peyvəndin inkişaf mərhələsində maqnit muncuqlardan istifadə edildiyini deyən McCullough, peyvəndlərin ilk partiyalarında hətta maqnit qalıqlarının tapıla biləcəyini bildirib. Bu vəziyyətin iynənin qolda maqnitlənməyə səbəb olduğu iddiasını izah edə biləcəyi irəli sürülüb.
Bununla belə, Pfizer/BioNTech peyvəndi mRNT, lipidlər, kalium xlorid, monobazlı kalium fosfat, natrium xlorid, iki əsaslı natrium fosfat dihidrat və saxaroza şəkərini ehtiva edir. “Moderna” peyvəndləri oxşardır. Bu peyvəndlərdə mRNT-dən başqa bütün kimyəvi maddələr yağ, zülal, duz və şəkərdən ibarətdir. Başqa sözlə, peyvəndlərdəki maddələrin heç biri ferromaqnit deyil.
Kardioloq martın 30-da Avropa Klinik Tədqiqat Jurnalında resenziyalı elmi jurnalda dərc olunmuş araşdırmadan da nümunə verib. Araşdırmada, Pfizer və BioNTech tərəfindən hazırlanan BNT162b2 adlı Kovid-19 peyvəndindəki ciddi yan təsirlərin yüzdə 71-nin dozaların 4,2 faizinin səbəb olduğu iddia edilir. Buna görə, iddia yan təsirlərin 1 faizindən az olması təqdirində, dozaların 32,1 faizindən gəlir. Buna əsaslanaraq, McCullough, yan təsir riskinin peyvənd edilən insanda deyil, peyvənd şüşəsində olduğunu deyib. “Bunlar mühüm nəticələrdir. Onlar iddia edirlər ki, Covid-19 peyvəndi fiaskosu istehsal məsələsidir və əksər hallarda xəstələrin həssaslığından qaynaqlanır. Bundan əlavə, nəzarətin olmaması təhlükəsizlik fəlakətinə səbəb oldu. Bəzi bədbəxt xəstələr həddən artıq çox mRNT və yad cisimlə, yaxud da hər ikisi ilə qarşılaşırlar”, - o deyib.
