Məşhur yazıçı Bret İston Ellis baş rolda Cozef Quinnin oynadığı “Relapse” adlı qorxu filmini çəkməyə hazırlaşır.
Hafta.az-ın “Variety”a istinadən yazdığına görə, Ellis daha çox “American Psycho” filminin əsaslandığı kitabın yazılması ilə tanınır. Quinn isə “Stranger Things” serialının 4-cü sezonunda Eddi Munson obrazını canlandırıb və məşhur Netflix serialının pərəstişkarları tərəfindən sevilib.
Filmdə Quinn qatıldığı bir məclisdə dəhşətli ölümə şahid olduqdan sonra reabilitasiya mərkəzinə yerləşdirilən gənc Mett Culleni canlandıracaq.
Kastinq elanı ilə yanaşı, filmin konspekti də açıqlanıb: "Qeyri-sabit şəxsiyyəti və sosial medianın invaziv gücü sayəsində Mettin paranoyası böyüyür və onun reabilitasiya proqramını pozur. O, yenidən istifadə etməyə başlayanda ətrafında sirli varlıq böyüməyə başlayar və gəncliyindən bəri onu təqib edən yırtıcı özünü göstərir. Terapevti əslində yırtıcının Mettin başının içində olduğuna inandıraraq ona kömək etməyə çalışır".
59 yaşlı yazıçı illərdir Hollivuda yaxın olsa da, “Relapse” Ellisin rejissorluq debütüdür.
Bir yazıçı kimi karyerasında Ellis “American Psycho”, “Less than Zero” və “The Rules of Attraction” kimi ən çox satılan kitablar yazıb.
Amerikalı yazıçı 2008-ci ildə " The Informers" romanını böyük ekran üçün uyğunlaşdırıb. O vaxtdan bəri Ellis bir çox layihələrdə, o cümlədən “The Canyons” və “Smiley Face Killers” filmlərində, eləcə də 2016-cı ildə çəkilmiş “The Deleted” serialında ssenarist kimi çalışıb.
“Stranger Things”lə debüt edən Quinn serialın dördüncü sezonu 2022-ci ildə yayımlandıqdan sonra mühüm filmlərdə rol almağa davam edir. Bu filmlərə “A Quiet Place: Day One” və “Gladiator 2” daxildir.
