Mübahisəli “Saltburn” filminin rejissoru Emerald Fennell iddia edib ki, filmdəki cəsarətli səhnələrə görə ona yönələn qəzəb məhz qadın yazıçı olması ilə bağlıdır.
Hafta.az-ın yazdığına görə, 38 yaşlı “Oskar” mükafatlı rejissor filmin baş rol ifaçısı Barri Keoqanın şokedici çimmək anı, “vampir seksi” və məzar səhnəsinin yaratdığı “qarışıqlıq”dan təəccübləndiyini etiraf edib.
Fennell əslində "heç kim inanmasa da" mübahisələrə səbəb olacaq bir film yaratmaq üçün yola çıxmadığını söyləyib.
“Saltburn” kinoteatrlarda və axın platformalarında yayımlandıqdan bəri tamaşaçıları şoka salmağa davam edir. Bəziləri filmin ifratlarını bəyənsə də, bəzi izləyicilər qəzəblənib.
Emerald Fennell deyib ki, bir qadın olaraq bu qəzəbin "xüsusilə" önə çıxdığını hiss edib.
Qara komediya psixoloji trillerinin ulduzları Barri Keoghan, Rosamund Pike, Riçard E. Qrant və Cekob Elordidir.
Çərşənbə axşamı qonağı olduğu "Ware There's A Wake, There's A Wake" podkastında filmin aldığı reaksiyalardan danışan rejissor tamaşaçıların çətin anlarından biri olan vanna otağı səhnəsindən söz açıb.
“Rejissor kimi məsuliyyət haqlı olaraq sizin üzərinizə düşür, xüsusən də qadınsınızsa. Amma bu həm də o deməkdir ki, siz çoxlu qəzəb və ya tənqidi cəlb edirsiniz və bu da yaxşıdır. Əslində, heç kim inanmasa da, mən bölücü və ziddiyyətli şeylər etmək fikrinə düşmürdüm, bu mənim niyyətim deyildi, amma deyəsən belə oldu”, - o deyib.
Filmin hər mərhələsində yaxınlıq koordinatorundan istifadə edildiyini deyən rejissor çəkiliş zamanı baş verənləri belə izah edib: “Hər zaman kiminsə montaj zamanı və ya sınaq nümayişlərindən sonra fikrini dəyişdiyi bir an olubsa, bu haqda danışırıq. Kimsə nəyinsə silinməsini və ya dəyişdirilməsini istədiyini desəydi, onu mütləq edərdik".
İngilis yazıçı və rejissor insanların ondan davamlı olaraq “Allahım, X-i Y-yə necə vadar etdin?” deyə soruşduğunu deyib: “Mən heç kəsi heç nəyə məcbur edə bilməzdim” deyə cavab verib.
“Saltburn” həm tamaşaçıları, həm də tənqidçiləri ikiyə bölüb.
“2023-cü ilin ən mübahisəli filmi” hesab edilən triller haqqında “gözəgörünməz, özünəməxsus və boş təxribatlarla dolu qarışıqlıq” kimi şərhlər edilir. Digər tərəfdən, filmi "şok və uğurlu erotik triller" kimi görənlər də var.
Premyerası 31 avqust 2023-cü ildə 50-ci Telluride Film Festivalında baş tutan “Saltburn” filmi Böyük Britaniyada 7 noyabr 2023-cü ildə, ABŞ-da isə məhdud tirajla eyni gündə nümayiş olunub.
