Toni Şalhub, “Mr. Monk's Last Case: A Monk Movie”nin davamının mümkünlüyünü müzakirə edib.
Hafta.az-ın “Screen Rant”a istinadən yazdığına görə, məşhur serial bitdikdən 14 il sonra Şalhub Amerikanın “Peacock” yayım platformasında yayımlanan və “Rotten Tomatoes” icmal saytında 100 baldan 95-ə yaxın bal toplayan filmdəki Adrian Monk rolunu təkrarlayıb.
2023-cü il sirli komediyasında Monk, toyuna hazırlaşan ögey qızı jurnalist Molli ilə bağlı çox şəxsi işi həll etmək üçün geri qayıdıb.
“Variety”in Awards Circuit podkastında 40 yaşlı Şalhubdan Monkun macəralarını davam etdirəcək başqa bir film çəkməyin mümkün olub-olmadığı soruşulub. Amerikalı aktyor heç bir ehtimalı istisna etməyəcəyini söyləyib və hətta serialın yaradıcısı Endi Brekmanın daha çox şey istədiyini təsdiqləyib.
"Daha çox olub-olmayacağını bilmirik, amma bu, Endi Brekmanın arzusudur" deyən aktyor əlavə edib: "Dəqiq heç nə bilmirik, hələlik yekun planlar yoxdur. Amma doğru vaxt, doğru fikir və düzgün mətn olsa, əlbəttə ki, etiraz etmərəm” deyib.
Adrian Monkun həm sirri həll edən, həm də özəl detektiv kimi mübarizəsindən bəhs edən Monk, 2002-2009-cu illər arasında davam edən 8 mövsümlük serial idi.
Yayımlandığı dövrdə çox məşhur olan Monk bir çox nominasiya və mükafatlar qazanıb. Şalhub 2003, 2005, 2006 və 2010-cu illərdə Komediya Serialında Görkəmli Baş Aktyor üçün Emmy mükafatını almağı bacarıb.
