Diqqətdən kənarda qalan bir Brayan Koks filmi Netflix qrafiklərində yüksəldikcə tamaşaçılar "güclü" və "qıcıqlandırıcı" hekayəni tərifləməklə doymurlar.
Hafta.az-ın “Dexerto”ya istinadən yazdığına görə, bu günlərdə abunəçilərinə gizli qiymətli daşları kəşf etməyə imkan verən Netflix-də yeni hitlərdən biri məşhur “Succession” serialının ulduzu Brayan Koksun baş rolda oynadığı 2022-ci il dramıdır.
Festivallarda görünən və kassada 379890 dollarlıq təvazökar gəlir əldə edən “Mending The Line”, axın nəhənginin ən çox baxılan filmlərindən biri olub.
Rejissoru Coşua Kalduell olan dram bununla da bitməyib və martın 25-də Netflix-in ən çox baxılan 10 filminin zirvəsinə yüksəlib.
Film yaralı müharibə veteranının ABŞ-a qayıtdıqdan sonra inadkar balıqçı və istedadlı fotoqrafla qurduğu dostluqdan bəhs edir.
“Rotten Tomatoes” icmal saytında 100 baldan 80 bal toplayan filmin tamaşaçı balı 82-dir.
Netflix izləyiciləri film haqqında fikirlərini bildirsələr də, onun emosional travma və qəbul mövzularına münasibətini yüksək qiymətləndirdilər.
Sosial media istifadəçilərindən biri “Netflix-də “Mənding the Line” filminə baxıram və kimsə soğan doğrayır, aman Allahım” yazaraq, filmin onu təsirləndirdiyini və göz yaşlarına səbəb olduğunu ifadə edib.
Göz yaşlarını saxlaya bilmədiyini etiraf edən başqa bir izləyici: "Mən indicə Netflix-də “Mending the Line” filminə baxdım. Lənət olsun, məni ağlatdı" deyib.
Bir istifadəçi filmi “güclü və düşündürücü” adlandırıb, digəri isə “müharibənin travması və təbiətin müalicəvi gücü haqqında təsirli və gözəl film” şərhini yazıb.
