Yaponiyanın Hokkaydo əyalətinin Sapporo şəhərindəki kafedə bir ofisiantın müəssisədə qonaqlar üçün hazırladığı kokteyllərə öz qanını qatdığı iddiası irəli sürülüb. Bu barədə WION məlumat yayıb.
Mondaiji kafesinin nümayəndələri Twitter-də bildiriblər ki, ofisiantlardan biri müştərilər üçün hazırladığı kokteyllərə qanını qarışdırmaq vərdişi ucbatından işini itirib. İçkilərdə ən çox meyvələr və ya digər rəngli şərbətlər olurdu. "Belə bir hərəkət part-time terrorizmdən fərqlənmir və tamamilə qəbuledilməzdir", - kafenin səhifəsində yazılıb.
Hadisə məlum olduqdan sonra içkilər üçün bütün stəkanların dəyişdirilməsi üçün kafe bir günlük bağlanıb. İşdən çıxarılan ofisiantın adı açıqlanmır. Kafe sosial şəbəkələrdə müştərilərə problemli uşaqlar və tutqun, lakin ən şirin qızların xidmət göstərdiyi yer kimi özünü reklam edir.
