Rusiyanın “Pobeda” aviaşirkəti “Mamba” tanışlıq proqramı ilə birgə “tanışlıq uçuşları” təşkil edəcək. Moskvanın Vnukovo hava limanından havaya qalxan təyyarələr bir müddət havada qalaraq yenidən Vnukovoya enir.
Hafta.az-ın “Moskviçmaq” jurnalına istinadən yazdığına görə, proqram çərçivəsində ilk səyahət dünən baş tutub. Müvafiq olaraq, təyyarə saat 15:00-da Moskvadan havaya qalxıb və bir neçə saat sonra Moskvaya qayıdıb.
Şirkət qadın sərnişinlərə pəncərə biletləri, kişi sərnişinlərə isə koridor biletləri satır. Ekspedisiyaya şoumen Vladimir Markoni rəhbərlik etdiyi öyrənilib.
Sərnişinlər bir-birini qarşılayarkən, pilotlar Moskvanın üzərində böyük bir ürək çəkirlər.
İlk uçuşa bilet almaq üçün 6 min nəfərin müraciət etdiyi, lotereya ilə 120 şanslı qalibin müəyyən edildiyi açıqlanıb.
