Polis azı 13 dostunun pulunu və qızıl-zinət əşyalarını götürmək üçün sianidlə zəhərləməkdə şübhəli bilinən hamilə taylandlı qadını saxlayıb. Bu barədə “New Straits Times” məlumat yayıb.
Yüksək rütbəli polis məmurunun 35 yaşlı arvadı Sararat Rangsivuthuaporn bir neçə il ərzində 9 nəfəri öldürməkdə şübhəli bilinərək həbs edilib. Polisin bildirdiyinə görə, cinayətlərin törədilməsinə səbəb qızıl-zinət əşyaları və pul olub, lakin eyni zamanda, 4 aylıq hamilə olan saxlanılan şəxsin psixi problemləri olduğu müəyyən edilib. “The Nation Thailand”ın məlumatına görə, qurbanların yaşı 33-44 arasında olub.
Polis daha sonra aydınlaşdırıb ki, 2020-ci ildən bəri ən azı 13 şübhəli ölümlə bağlı araşdırma aparılır. Tayland polis rəisi Surachate Hakparn, "O, qəsdən adam öldürməkdə ittiham olunub" deyib. Polis Sarara qarşı qətlin neçə epizodunda ittiham olunduğunu dəqiqləşdirməsə də, o, özünə qarşı irəli sürülən bütün ittihamları rədd edir.
Polis əvvəlcə aprelin ortalarında baş verən qətldə Rangsivuthuaporndan şübhələnib. Qurban buddist ritualında iştirak etmək üçün qatillə birlikdə çay sahilinə gedib, huşunu itirib və ölüb. Yarılma zamanı məhkəmə-tibb ekspertləri onun qanında sianid izləri aşkar ediblər.
Məlumata görə, Taika öz qurbanlarını sianidlə öldürüb. Maddə qadının evində tapılıb. İddialara görə, o, qurbanların yemək və içkilərinə sianid qatıb. 14-cü qurban zəhərli yeməkləri qusduğu üçün sağ qala bilib.
-1781546849.jpg&h=173&w=263&zc=1&q=80)
