Şou-biznes aləmində sevgi həmişə həqiqi hisslər demək deyil. Bəzən bunlar PR hiylələri (Public Relations) və yüksək reytinqləri saxlamaq üçün bir yoldur. Ulduzlar birdən-birə pərəstişkarları arasında geniş müzakirə olunan saxta partnyoru ilə qarşılaşır və bununla da populyarlıqlarını daha da artırırlar.
Hafta.az olaraq bu dəfə PR üçün əlaqələr qurmuş bəzi məşhurlardan söz açacağıq:
Şon Mendes və Kamila Kapello
Onların münasibətləri romantik film kimi başladı - gizli görüşlər, ortaq işlər və nəhayət, münasibətlərini ictimaiyyətə çatdırmaq... Amma pərəstişkarları cütlüyü müsbət qarşılamadılar və əvvəlcə münasibətlərinin gerçək olub-olmamasından şübhələndilər.
Bu, təsadüf ola bilər, lakin 21 iyun 2019-cu ildə Şon və Kamila birlikdə "Senorita" mahnısını çıxaranda mahnı hitə çevrildi. Sonra iyulun 5-də onların münasibətləri ilə bağlı ilk söz-söhbətlər yayılmağa başladı. Cütlük paparassilərdən belə gizlənə bilməyib. Münasibətin saxta olduğuna dair şərhlər dərhal sosial mediadan silinib.
İki müğənninin istər real, istərsə də saxta sevgisi iki il davam edib. Onlar boşanmalarını çox gərgin iş qrafiki ilə izah ediblər.
İrina Şeyk və Kriştiano Ronaldo
İrina Şeyk və Kriştiano Ronaldo 2009-cu ildə tanış olublar.Onların ilk tanışlığı model agentliyi vasitəsilə İrina Şeyki Ronaldo ilə tanış etmək cəhdi ilə bağlı olub.
Cütlüyü müşahidə edənlər tez-tez onların münasibətlərinin reklam və ya PR strategiyası ola biləcəyini düşünürdülər. Çünki Ronaldo və Şeyk münasibətlərini həmişə ictimaiyyət arasında nümayiş etdiriblər və onların birgə fotoları tez-tez mediada yer alıb. Bundan əlavə, belə bir "ideal" cüt imicinin yaradılması Ronaldonun futboldakı şəxsi imici və Şeykin modellik karyerası üçün faydalı ola bilərdi.
İki məşhurun münasibəti 2015-ci ilə qədər davam edib.Onların boşanmalarının dəqiq səbəbləri açıqlanmasa da, müxtəlif şayiələrə görə, buna Ronaldonun İrina Şeyki “Qızıl top” mərasiminə gətirməməsi və digər qadınlarla münasibətləri səbəb olub. İrina Şeyk boşandıqdan sonra ideal kişisinin sadiq və dürüst biri olduğunu bildirib. Onun boşandıqdan sonra xeyli kökəldiyi barədə də məlumatlar var. Bu gün hər ikisi peşəkar karyeralarını davam etdirir və şəxsi həyatlarını ictimaiyyətin diqqətindən kənarda saxlamağa çalışırlar.
Teylor Svift və Tom Hiddleston
2016-cı ildə müğənni ilə aktyorun münasibəti böyük müzakirələrə səbəb olub. Həmin vaxt Teylor DJ Kelvin Harrisdən yeni ayrılmışdı və dərhal Tomla görüşməyə başlamışdı. Bütün pərəstişkarları bunun sadəcə piar olduğuna inanırdılar, lakin Tom və Teylorun münasibətləri sürətlə inkişaf etməyə başladı və aktyor hətta Sviftin valideynləri ilə də tanış oldu.
Sonra tezliklə toy şayiələri yayıldı. Ancaq münasibətlər başladığı kimi tez bitdi: altı ay ərzində boşandılar. Teylor bunu belə izah etdi: "Tom populyarlığımdan istifadə edir və o, münasibətlərimizi ictimailəşdirəndə həmişə özümü narahat hiss etmişəm", - müğənni deyib.
Dua Lipa və Cek Harlou
2022-ci ilin sonunda Dua Lipanın Cek Harlou ilə yeni münasibəti haqqında şayiələr yayıldı. May ayında reper ona həsr etdiyi mahnını buraxıb. Həmin gün Cek müğənniyə video vasitəsilə zəng vuraraq Duanın yeni mahnını şəxsən ilk eşitməsini təklif etdi.
Noyabrda Los-Ancelesdə görüşən iki müğənni kameralara tuş gəlib və daha sonra paparassilər tərəfindən tez-tez birlikdə görüntüləniblər. Lakin onların münasibətləri çox qısamüddətli olub. Lakin Harlounun yazdığı mahnı qısa zamanda hitə çevrildi.
