Rusiyalı turistlərin daxili istiqamətlərə marağının artması Şengen vizası almaqda maneələr, uçuşlarda yaşanan çətinliklər və biletlərin qiymətinin artması səbəbindən davam edir.
Hafta.az-ın yazdığına görə, Rusiyada ictimai yerləşdirmə müəssisələrinin gəlirləri 2024-cü ilin yanvar-mart dövründə illik bazda 30 faiz artaraq 179 milyard rubla çatıb.
Bu dövrdə yaşayış yerlərinin sayı 12 faiz artaraq 62 milyona çatıb.
“Kommersant”ın xəbərinə görə, yeni otellər açılmadığı üçün otaq qiymətləri artır. Soçi sahillərində orta qiymət hər il 23 faiz artaraq 12800 rubla çatıb. Dağ mehmanxanaları 18 faiz artaraq 21700 rubla yüksəlib. Mütəxəssislərin fikrincə, məzənnənin hər sıçrayışından sonra mehmanxanalarda orta qiymətlər tədricən yüksəlir: üçulduzlu otellərdə qiymətlər bir otaq üçün 100 avro, dördulduzlu otellərdə 150 avro, beşulduzlu otellərdə 200 avro və daha yuxarıdır.
Tələbin artmasının əsas səbəbi Avropaya qapının bağlı olmasıdır. Rusiya vətəndaşlarından Şengen vizası müraciətlərinin sayı 2023-cü ildə 520400-ə enib. Hansı ki, cəmi bir il əvvəl bu rəqəm 687200 idi.
Krasnodar bölgəsi və Simferopol turistlərin xaricə alternativ olaraq üstünlük verdiyi yerlər sırasındadır.
