Rusiya hökumətinin immiqrasiya siyasətinə yenidən baxmasının iş dünyasına təsirləri müzakirə edilir. BFM-in məlumatına görə, işçi qüvvəsi çatışmazlığı ilə bağlı narahatlıqlara baxmayaraq, gələcəkdə "milli təhlükəsizliyə" üstünlük veriləcəyi və iş dünyasının yeni şərtlərə uyğunlaşmalı olacağı şərh edilir.
Hafta.az-ın yazdığına görə, prezident Vladimir Putin Rusiya Sənayeçi və İş Adamları Assosiasiyasının konqresində etdiyi çıxışında Rusiyanın yaxın illərdə işçi qüvvəsi çatışmazlığı ilə üzləşəcəyini, lakin bunun mühacirlərlə kompensasiya olunmayacağını bildirib və hökuməti bu məsələdə müxtəlif yollar axtarmağa çağırıb.
Ölkənin bəzi bölgələrində immiqrant əməyini məhdudlaşdıran təcrübələr qüvvəyə minib. Məsələn, Krımda aprelin 30-dan etibarən mühacirlərin patentləri olsa belə, ticarət və istehsal da daxil olmaqla 30-dan çox sektorda işləmələri qadağan edilib.
Yakutiyada mühacirlərə satıcı, kuryer, taksi sürücüsü və başqa 40 sahədə işləmək qadağan olunub.
Fərqli məlumatlara görə işçilərin 40-60-80 faizinin əcnəbilər olduğu tikinti sənayesi ilə bağlı hansı addımların atılacağı hələ də bəlli deyil.
