Rusiyada pensiyaçıların sayında da ciddi azalma var. “Vedomosti”nin rəsmi statistikaya əsaslanan xəbərinə görə, ilin ilk 6 ayında pensiya alanların sayı 404200 nəfər azalıb.
Hafta.az-ın yazdığına görə, Rusiyada pensiyaçıların sayı 2023-cü il yanvarın 1-də 41,78 milyon idisə, iyulun 1-də bu rəqəm 41,38 milyon olaraq açıqlanıb. Bu, 2014-cü ildən bəri ən aşağı göstəricidir.
Rusiyanın ümumi əhalisi təxminən 144 milyon nəfərdir.
Ölkədə 33,8 milyon nəfər yaşa görə, 2,2 milyon nəfər əlilliyə görə, 1,4 milyon nəfər ailə üzvlərinin təqsiri üzündən pensiya, 3,4 milyon nəfər isə sosial pensiya alır.
Rusiyada bütün zamanlarda ən yüksək pensiyaçı əhali 2019-cu ildə 43,86 milyon nəfərlə qeydə alınıb.
Müstəqil Həmkarlar İttifaqları Federasiyasının (FNPR) vitse-prezidenti David Kristal yeni qanuna toxunaraq deyir ki, Rusiyada pensiyaçıların sayının əhəmiyyətli dərəcədə azalması bu il heç kimin qocalığa görə pensiyaya çıxmaması ilə bağlıdır. Pensiya yaşının mərhələli şəkildə kişilər üçün 60-dan 65-ə, qadınlar üçün isə 55-dən 63-ə qaldırılması qərara alınıb.
Rosstat-ın məlumatına görə, 2023-cü ilin iyun ayında orta pensiya 19469 rubl təşkil edib.
