Rusiya ilə Tacikistan arasında qarşılıqlı gərginlik davam edir. Tacikistan Xarici İşlər Nazirliyi Rusiya səfirinə nota təqdim edərək, Rusiyada yaşayan taciklərin hüquq və azadlıqlarının pozulmasından ciddi narahatlığını ifadə edib.
Hafta.az-ın yazdığına görə, Tacikistan vətəndaşlarına qarşı göstərilən mənfi münasibəti rədd edən rəsmi düşənbə Rusiyanın bu sərt münasibətinin Tacikistan-Rusiya münasibətlərinin ruhuna və ənənələrinə uyğun olmadığını bəyan edib.
Aprel ayında Tacikistan Xarici İşlər Nazirliyi Tacikistan vətəndaşlarının Rusiyaya girişinə icazə verilməməsi ilə bağlı narahatlığını ifadə edib və bu qərarların əsassız olduğunu vurğulayıb.
O, həmçinin minə yaxın Tacikistan vətəndaşının müvafiq sanitar şərait olmadan Vnukovo hava limanının müvəqqəti saxlama məntəqəsində saxlanmasının qəbuledilməz olduğunu bildirib və diqqəti Tacikistan vətəndaşlarına qarşı həyata keçirilən məhdudlaşdırıcı tədbirlərə çəkib.
Rusiya Xarici İşlər Nazirliyi “Crocus Building”də törədilən terror aktından sonra gücləndirilmiş təhlükəsizlik tədbirlərinin görüldüyünü və sərhədçilərin sərhədi keçən şəxslərin vətəndaşlığından asılı olmayaraq bu tədbirləri həyata keçirdiklərini açıqlayıb.
Tacikistan Rusiya prezidenti Vladimir Putinə qarşı terror aktı ilə bağlı araşdırmanın obyektiv və siyasi qərəzsiz aparılmasını tələb edib.
Ötən aylarda Moskvada törədilən terror aktı zamanı atışma və atəş nəticəsində 145 nəfər ölüb, 500-dən çox insan yaralanıb. Hücumla bağlı dörd Tacikistan vətəndaşı da daxil olmaqla çoxlu adam həbs edilib.
