Sivas Kayalıpınardakı Sivas Muzey Müdirliyi tərəfindən Almaniyanın Marburg Filipps Universitetindən Dr.Vuslat Müller Karpenin məsləhətçiliyi ilə ilk dəfə 2005-ci ildə başlanan qazıntılar davam edir.
Hafta.az-ın yazdığına görə, müxtəlif dövrlərdə aparılan qazıntılar zamanı qədim Assuriya Ticarət Koloniyaları, Het, Roma və Bizans dövrlərinə aid tikililərin izləri, Ellin, Roma və Erkən Xristian dövrlərinə aid türbələr, Het padşahları, şahzadələr və əyanların çoxlu möhür təəssüratları aşkar edilib.
Qoç Universiteti Arxeologiya və Sənət Tarixi Bölümü müəllimi və qazıntı rəhbəri Dr. Çiğdəm Maner, iyulun 4-də başlayan qazıntılarda 30 nəfərlik bir qrupun iştirak etdiyini söyləyib və əlavə edib: "Məbəd quruluşu ola biləcəyini düşündüyümüz bir sahədə işləyirik. Keçən il həmin ərazidə əhəmiyyətli Hitit lövhəsi tapılmışdı. Söhbət mal-qaranın daşınmasından gedirdi, ona görə də biz həmin ərazidəki bütün strukturu üzə çıxarmağa çalışırıq”.
Avqust ayında başqa ərazilərdə də işə başlayacaqlarını açıqlayan Maner, "2022-ci ildən bəri apardığımız qazıntılarda monumental Hitit quruluşuna rast gəldik. Burada monumental giriş var, keçən il burada mixi yazılı sənəd tapıldı. “A” bölgəsi dediyimiz ərazinin məbəd quruluşu olduğunu düşünürük Düşünürük ki, bu, məşhur Şavuşka məbədi ola bilər. Önümüzdəki həftələrdə burada aparacağımız qazıntılar bunun doğru olub-olmadığını bizə göstərəcək" deyib.
Maner qazıntı qrupuna Koç Universiteti başda olmaqla müxtəlif universitetlərdə magistr təhsili alan əcnəbi tələbələrin də daxil edildiyini bildirib.
