Almaniyanın xarici işlər naziri Annalena Burbok Türkiyənin Avropa Birliyinə (Aİ) daxil olması ilə bağlı danışıqlar prosesinin son illərdə nəinki dalana dirəndiyini, həm də dərin dalana dirəndiyini bildirib. O, bu barədə cümə axşamı Brüsseldə Aİ xarici işlər nazirlərinin görüşünə gələrkən jurnalistlərə açıqlama verib.
“Bizim Aİ-yə üzvlük prosesləri ilə bağlı çox aydın qaydalarımız var”, - deyə Burbok bildirib. “Və son illər Türkiyəyə doğru üzvlük perspektivlərinin, proseslərin və irəliləyişin nəinki dalana dirənməsi, əksinə, deyərdim ki, dərindən dondurulmuş olması onunla izah olunur ki, bu danışıqlar üçün zəruri olan əsas fəsillər – qanunun aliliyi, insan hüquqlarının müdafiəsi nəinki həyata keçirilmir, hətta ondan uzaqdır”, - o deyib.
Eyni zamanda, Almaniya Xarici İşlər Nazirliyinin rəhbəri Türkiyə ilə təmasların davam etdirilməsinin zəruri olduğunu vurğulayıb. "Bununla belə, bizim hər zaman bir-birimizlə dialoqda olmağımız inanılmaz dərəcədə vacibdir" deyən Burbok "Türkiyə ilə qonşuluq son dərəcə vacibdir" deyib.
