Çinin yeni XİN başçısı Vanq Yi Cənubi Afrika Respublikasının Yohannesburq şəhərində keçirilən Braziliya, Rusiya, Hindistan, Çin və Cənubi Afrika Respublikasından ibarət BRİKS Milli Təhlükəsizlik Məsləhətçiləri Toplantısında çıxış edib.
Hafta.az-ın “Global Times”a istinadən yazdığına görə, BRİCS-in inkişaf etməkdə olan ölkələr üçün mühüm platformaya çevrildiyini ifadə edən Vanq, üzv ölkələrin strateji koordinasiyalarını daha da gücləndirməli olduqlarını vurğulayıb. Bunun baş verməsi üçün açıqlıq, əhatəlilik və qazan-qazan əməkdaşlığın əməli fəaliyyətə çevrilməsi lazım olduğunu vurğulayan Vanq Yi, "BRICS əməkdaşlığını ön plana çəkməliyik" deyib.
Vanq cari qlobal təhlükəsizlik problemlərini və təhlükəsizlik dilemmasını həll etmək üçün “hegemonluğa müqavimət göstərməyə” və “soyuq müharibə zehniyyətinə qarşı çıxmağa” çağırıb.
Qlobal cənub ölkələrinin xarici müdaxiləyə qarşı durmaqda mühüm vəzifəsi olduğunu bildirən Vanq qeyd edib ki, Çin beynəlxalq təhlükəsizlik problemlərinə qarşı mübarizədə, eləcə də bir-birinin milli təhlükəsizliyini və sabitliyini qorumaqda BRICS tərəfdaşları ilə əməkdaşlıq etməyə hazırdır.
Nazir Vanq Yi görüş çərçivəsində Hindistanın milli təhlükəsizlik müşaviri Ajit Dovalla da görüşüb. Çin və Hindistanın müsbət və ya mənfi qarşılıqlı əlaqələrinin beynəlxalq nizama birbaşa təsir edəcəyini bildirən Vanq, dünyada ən böyük tendensiyanın "dünyanın gələcəyini formalaşdıracaq Çin və Hindistan da daxil olmaqla inkişaf etməkdə olan ölkələrin yüksəlişi" olduğunu bildirib.
Çinin heç vaxt bəzi ölkələrin izlədiyi “hegemonluq axtarışı” yolu ilə getməyəcəyini ifadə edən Vanq, ölkəsinin çoxtərəfliliyi və beynəlxalq əlaqələrin demokratikləşməsini dəstəkləmək üçün Hindistan da daxil olmaqla, bir çox inkişaf etməkdə olan ölkələrlə işləməyə hazır olduğunu vurğuladı.
İki ölkənin bir-birinə təhdid olmadığını, inkişafı üçün bir fürsət olduğunu dilə gətirən Vanq, Çin və Hindistanın erkən tarixdə münasibətlərini sağlam və sabit zəminə qaytarmalı olduğuna diqqət çəkib.
Doval onu da qeyd edib ki, iki qonşu ölkə Hindistan və Çin bəşəriyyətin və dünyanın gələcəyi ilə bağlı çoxlu baxışları bölüşür və geniş ümumi maraqlara malikdir.
Braziliya, Rusiya, Çin, Hindistan və Cənubi Afrikadan ibarət BRİKS ölkələri qrupu üzvləri arasında siyasi, iqtisadi və mədəni əməkdaşlığı hədəfləyir.
BRİKS ölkələrinin ümumi daxili məhsulu (ÜDM) qlobal məhsulun 30 faizindən çoxunu təşkil edir. Qrupun genişləndirilməsinin gündəmdə olacağı BRİKS Liderlər Sammiti 22-24 avqust tarixlərində Yohannesburqdakı Sandton Konqres Mərkəzində keçiriləcək.
