Göyçay rayonunda 21 yaşlı qızı qaçırıb tövlədə işgəncə verən şəxs saxlanılıb.
Hafta.az xəbər verir ki, rayonun Ulaşlı Şıxlı kənd sakini Feyruz Əliyev hüquq-mühafizə orqanları tərəfindən saxlanlılıb.
Hadisə ilə bağlı oğlanın atası Mahmud Əliyev də polisə dəvət olunsa da, onun izahatı alındıqdan sonra buraxılıb. Məlumatda bildirilir ki, oğurlanaraq işgəncələrə məruz qalan qız ailəsinə qaytarılıb və nəzarətə götürülüb.
Faktla bağlı Göyçay rayon Polis şöbəsində araşdırmalar davam etdirilir.
Xatırladaq ki, Göyçay rayonunun Ulaşlı Şıxlı kəndinində, kənd sakini Feyruz Əliyev həmkəndlisi, 21 yaşlı qızı evlənmək məqsədilə qaçırıb. Qızı evinə gətirən F. Əliyev gənc qızı qaçırdıqdan sonra onu tövlədə gizlədiblər. Onlara müqavimət göstərən qızın əlləri və ağzı bağlanılaraq tövlədə saxlanılıb.
Hadisədən xəbər tutan qızın ailə üzvləri bu barədə hüquq mühafizə orqanlarına məlumat verib.
