ABŞ-da bir tədqiqatçı tutduğu ilanın qarnından biri diri iki ilan çıxdıqda heyrətə gəlib. Üstəlik, hələ də yaşayan ilan bu yaxınlarda siçanı yeyərkən görünüb.
Hafta.az-ın “IFL Science”a istinadən yazdığına görə, Corcianıncənubunda vəhşi təbiət tədqiqatları aparan Mett Mur təxminən 1,2 metr uzunluğunda ilan tutub. Drymarchon couperi cinsindən heyvanı torbaya qoyan Mur tezliklə orada daha iki ilan olduğunu görüb.
Kiçik ilan artıq ölmüşdü, bir qədər yaşlı olan ikincisi əvvəlcə cansız görünsə də, bir müddət sonra Mur onun hərəkət etdiyinin şahidi olub.
Corcianın Təbii Sərvətlər Departamenti keçən ay Facebook-da verdiyi açıqlamada, digər ilanlarla qidalandığı bilinən Drymarchon kuperinin qidasını qusarkən təxminən 230 qram itirdiyini bildirib.
Mur, heyvanın zınqırovlu ilanı tutulmazdan bir müddət əvvəl udduğunu təxmin edir. Digər heyvanın həzminin daha uzun sürdüyü görünür.
Baş dərisində azacıq yırtıq olan zınqırovlu ilan sonradan sağalıb. Mur heyvanı adətən sığınacaq kimi istifadə etdikləri tısbağa yuvasına qoyub. “People” xəbər verir ki, Drymarchon kuperi də yenidən təbiətə buraxılıb.
Məsələni daha da maraqlı edən ilanın udulmazdan bir az əvvəl siçanı yeməsi idi.
Təbii Sərvətlər Departamentinin bəyanatında deyilir: "Canlanan zınqırovlu ilanın görünən şişmanlığı onun bu yaxınlarda böyük bir siçan yediyini göstərir".
2 metrə çata bilən Drymarchon kuperi ABŞ-ın ən uzun ilanıdır. Ölkədə yaşan bu endemik ilan zəhərli olmasa da, bir çox heyvan növləri, o cümlədən zəhərli ilanlarla qidalanır.
Şərq almazlı zınqırovlu ilanı Şimali Amerikanın ən böyük zəhərli ilanıdır və uzunluğu 2,5 metrə çatır.
Murun tutduğu heyvanın qarnından çıxan zınqırovlu ilanın uzunluğu ilə bağlı məlumat verilməyib.
Son hadisə həm Drymarchon kuperinin ovçuluq məharətini, həm də şərq almaz zınqırovlu ilanın dözümlülüyünü nümayiş etdirir.
