Moskvanın cənubundakı Tula vilayətinin administrasiyası bir sıra biznes sahələrində mühacirlərin işə götürülməsini qadağan edib. Qadağan olunmuş müəssisələrə ictimai nəqliyyat, taksilər, qida və içki sahələri daxildir.
Hafta.az-ın yazdığına görə, mövzu ilə bağlı fərman qubernator Aleksey Dyuminin imzası ilə yerli hökumətin saytında dərc edilib. Sənədə əsasən, qadağa 2024-cü ildən qüvvədə olacaq.
İmmiqrantlar həmçinin pərakəndə alkoqol, tütün və içki ticarətində işlə təmin oluna bilməyəcəklər.
Rusiyada Çelyabinsk, Tümen, Xantı-Mansi və Kaluqa əyalətləri əvvəllər mühacirlərin işinə müxtəlif həddə məhdudiyyətlər qoyublar.
Oktyabrda Dövlət Dumasına təqdim edilən yeni qanun layihəsi əcnəbilərə təhsil, səhiyyə, aptek və taksi biznesində işləməyi qadağan edir.
