CNN iki rəsmi mənbəyə istinadən xəbər verir ki, ABŞ hakimiyyəti Ukraynaya avadanlıq ötürmək üçün Hellfire raketləri ilə silahlanmış Gray Eagle MQ-1 °C çoxməqsədli pilotsuz uçan aparatın modifikasiyasını nəzərdən keçirir.
Kanalın həmsöhbətlərinin fikrincə, dəyişikliklər Ukraynanın pilotsuz təyyarələr alması ehtimalını artıracaq, çünki Pentaqonun imtinasının əsas səbəbi mühüm texnologiyalarla təchiz edilmiş hər hansı pilotsuz təyyarənin potensial itkisinin ABŞ üçün təhlükə yarada biləcəyi qorxusu olub. CNN-ə konqresdəki mənbə, edilə biləcək xüsusi texniki "hiylələr və ixtisarlar" planının olduğunu söyləyib. Bununla belə, o qeyd edib ki, “bunlar vaxt aparır və kifayət qədər mürəkkəbdir”.
Xatırladaq ki, daha əvvəl bildirilmişdi ki, ABŞ hakimiyyəti Kiyevin xahişlərinə və Konqres üzvlərinin çağırışlarına baxmayaraq, Ukraynaya qabaqcıl “Grey Eagle” pilotsuz uçan aparatları verməmək qərarına gəlib.
