ABŞ administrasiyası Finlandiyaya AIM-9X Block II taktiki hava-hava raketləri və AGM-154 Birgə Dayanıqlı Silah idarəolunan bombaları, habelə müvafiq avadanlıqları ümumilikdə 323,3 milyon dollara satmaq qərarına gəlib. Hafta.az xarici mediaya istinadən bildirir.
Ümumilikdə Finlandiya 40 AIM-9X Block II raketi və 48 AGM-154 JSOW hava bombasının satışını tələb edib.
“Təklif olunan satış Finlandiyanın hava-hava və hava-yer silahları baxımından döyüş qabiliyyətini təkmilləşdirəcək, həmçinin ABŞ-ın Şimali Avropa ölkələri ilə münasibətlərinə müsbət təsir göstərəcək. Finlandiya bu silahlardan və əlaqəli xidmətlərdən öz döyüşçülərinin istifadəsi üçün istifadə etmək niyyətindədir”, - sənəddə deyilir.
Vaşinqtonun nöqteyi-nəzərindən bu silahların satışı “regionda əsas hərbi balansın dəyişməsinə gətirib çıxarmayacaq”.
ABŞ-ın milli qanunvericiliyinə uyğun olaraq, mövcud razılaşmaların həyata keçirilməsinə icazə Dövlət Departamenti tərəfindən verilir. Qəbul edildikdən sonra ABŞ administrasiyası qərarla bağlı Konqresə məlumat verib. İndi ABŞ qanunverici orqanına bu hərbi müqaviləni araşdırmaq və ola bilsin ki, onu bloklamaq üçün 30 gün vaxtı var.
