Qazaxıstan Milli Nüvə Mərkəzinin baş direktoru Erlan Batırbekov AES tikiləcəyi təqdirdə ölkəsinin radioaktiv tullantılardan necə qurtulacağını bildirib.
Hafta.az-ın yazdığına görə, Erlan Batırbekov deyib ki, AES-in tikintisi Qazaxıstanın ekoloji vəziyyətinə təsir göstərməyəcək. Bütün tullantılar təhlükəsiz şəkildə emal olunacaq, saxlanılacaq və ya basdırılacaq. Bundan əlavə, onların həcmi istilik stansiyaları ilə müqayisədə çox kiçikdir.
“Atom elektrik stansiyasının istismarı zamanı hər 1 QVt quraşdırılmış gücə və ya 60 illik istismar müddətində 3600 tona görə ildə cəmi 50 kubmetr radioaktiv tullantı əmələ gəlir” deyən Baturbekov qeyd edib ki, ekvivalent gücə malik istilik stansiyasının tullantıları ildə yüz minlərlə ton təşkil edir.
O, radioaktiv tullantıların atılmasını azaltmaq üçün müasir üsulların daim təkmilləşdirildiyini vurğulayıb. İşlənmiş nüvə yanacağı artıq atılmır, yenidən istifadə üçün təkrar emal olunur.
Xatırladaq ki, Qazaxıstan Milli Nüvə Mərkəzinin direktoru Erlan Batırbekov “Kazinform” agentliyinə müsahibəsində elektrik enerjisi çatışmazlığından, Qazaxıstanda atom elektrik stansiyasının tikintisinin mümkünlüyündən və reaktor qurğularının müasir texnologiyalar əsasında tikintisindən danışıb.
